Fótboltanefnd

Hæ stelpur,

ég er að leita að 2-3 stelpum sem hafa áhuga á að koma Lez Jungle fótboltanum aftur á stað til þess að starfa í nefnd sem mun sjá um alla skipulagningu og umsjón. Ef þið hafið áhuga þá endilega verið í sambandi við mig, hér á Lez Jungle, á lezjungle@gmail.com eða bara á Facebook. Ekki hika við að sýna áhuga, ég þarf ekkert að þekkja ykkur og þetta er opið fyrir alla aldurshópa.

Styrmir hafa verið beðnir um að halda alþjóðlegt mót í fótbolta sumarið 2012. Þetta yrði alþjóðlegt fótboltamót undir merkjum IGLFA (www.iglfa.org) sem eru alþjóðasamtök samkynhneigðra í fótbolta. Mótið yrði líklega haldið í byrjun júní 2012 í Laugardalnum og mögulega nokkrum aukavöllum (t.d. Fram eða Valssvæði). Búist er við allt að 700 þátttakendum en 400-500 er líklegri tala. Reynt er að hafa sérstaka kvennadeild en það hefur verið erfitt að manna slíkt síðustu ár. Stymir vilja endilega hafa sérstaka kvennadeild ef mögulegt er, en til þess þarf að fá nokkrar öflugar stelpur með þeim í lið. Og þar komum við inn í myndina. Eini möguleikinn er að það séu stelpur sem tali við erlendu lesbíuliðin, öðruvísi er varla hægt að vonast eftir miklum árangri í að fá erlend lið hingað.

Hafa ekki einhverjar áhuga á að koma sigursæla Lez Jungle liðinu aftur á fullt?

Go for it! LGBT sport senan er svo karlavædd að það hálfa væri hellingur.