Breytingar

by heybe 8/1/2009, 12:11

Nýtt ár - nýjar áherslur - ný markmið!

Við erum að ráðast í nokkrar breytingar hér á síðunni, þær fyrstu verðið þið varar við strax í dag! Nú er síðan algjörlega lokuð fyrir aðra en notendur, að frátöldum tilkynningunum. Ástæðan fyrir því að við gerum þetta núna en ekki strax í upphafi? Það var alltaf langtímamarkmiðið að hafa síðuna lokaða fyrir utanaðkomandi aðila en fyrstu mánuðina töldum við okkur ekki hafa nógu gott orðspor til þess að gera það og samt geta fengið nýja notendur inn. Í dag standa málin aðeins öðruvísi, ég held að flestar (ungar) lesbíur viti hvað Lez Jungle er og þær sem vita það ekki fá að heyra um það frá vinkonum sínum. Þetta hefur auðvitað í för með sér að fleiri innskrá sig við heimsóknir á síðuna og þær sem eru búnar að vera að lurka á síðunni án notendanafns þurfa að gjöra svo vel og nýskrá sig. Smile

Fleiri breytingar verða svo kynntar fljótlega. Og aðeins um þennan miður skemmtilega auglýsingaborða sem hefur gert sig heimakominn á síðunni, ég veit af honum og hann er á leið í burtu.. á næstu dögum. Wink

Síðast en ekki síst langar mig að þakka fyrir framlög ykkar síðustu daga til styrktar Lez Jungle. Þau eru okkur ómetanleg og það er gott að vita að ég stend ekki ein í því að halda þessari síðu lifandi. Við erum komnar með smá sjóð sem fer í afnotagjöld af síðunni og vonandi á hann eftir að stækka enn meira á næstu vikum. Enn og aftur minni ég á að það er ekki skylda að styrkja okkur, það er frítt að vera meðlimur í þessu samfélagi, en ef þið sjáið ykkur fært um að styrkja um nokkrar krónur væri það mjög vel þegið. Smile

Árið 2009 lítur út fyrir að verða spennandi ár hjá Lez Jungle.. það er margt á döfinni - partý og fleiri viðburðir sem eru enn í skipulagningu og ég vil ekki blaðra um strax. Svo vil ég líka minna á fótboltann í Sporthúsinu á fimmtudögum, allar stelpur velkomnar!

Yfir og út,

Lez Jungle alien