Lez Jungle mætir Styrmi í fótbolta!

Við í Lez Jungle erum að fara að keppa á móti Styrmi í næstu viku. Um er ræða 11 manna bolta. Styrmir eru að undirbúa sig undir þátttöku í heimsmeistaramóti samkynhneigðra og er þessi leikur hugsaður sem æfingaleikur fyrir þá. Því miður er ekki pláss fyrir allar stelpurnar á vellinum þannig að við erum búnar að velja um 20 stelpur sem við ætlum að bjóða með í leikinn. Það sem við tökum helst mið af er mæting á æfingarnar og úthald til þess að halda út í svo langan tíma á stærri velli en við höfum verið að spila á.


Leikurinn er klukkan 20:30 þriðjudaginn 19. ágúst n.k. á gervigrasvellinum hjá Gróttu út á Nesi.

* Þið sem fenguð boð fengu tilkynningu í skilaboðum.

Endilega mætið og hvetjið lesbíurnar áfram á móti hommunum og reynum að sýna hvað í okkur býr! Þetta er opið öllum að koma að horfa á! Því fleiri því skemmtilegra!

Mættu og veittu frumskógarlesbíum stuðning. Við þurfum á honum að halda!

Bestu kveðjur,

Lez Jungle